Tempat berlindung mengeluh, berteduh, yang tepat ialah keyakinan kita terhadap Allah SWT. Orang tua adalah pamong, pengayom hidup. Jangan menyerah sebelum berusaha dan berdoa. jiwa yang syukur TAK akan kufur.
Kamis, 16 Januari 2014
Terminal (Dening : Ismayawati)
Kebak ing kana gegambaraning urip,
Tumplek blek dadi siji
Semrawut, campur bawur
Tan ana kendhate
Ing kana
Ana bocah-bocah cilik kang kebak panandhang
Nanging isih bisa gumuyu
Ah, rasane ngreridhu ati,
Tas kothak kang nggayut ing pundhak
Kebak pangarep-arep
Minangka pratandha tansah saguh ngayahi
Sesangganing ngaurip
Ah, saya gawe anglesing ati
Ing kana
Ana tembang-tembang kekidungan
Kang ambabarake jarwaning urip
Ing saselaning swara gumrenggeng
Bis-bis kang padha nggereng
Lan pambengoke calo-calo kanthi adreng
Snadyan panumpange tansah njinggleng
Terminal, kebak gegambaring urip
Tumplek blek dadi siji
Yen wengine wis titis
Kabeh dadi atis
Kekidungan sirna tanpa tilas
Kasaput angin kang tanpa welas
Gegambaraning urip
Semrawut tanpa kendhat
Sepi tintrim tanpa kendhat
Tumplek blek dadi siji
Langganan:
Posting Komentar (Atom)
Tidak ada komentar:
Posting Komentar