Mangsa Rendheng (Dening: Sunar Pujo Raharjo)

Rasa sepi jroning tengah wengi Kekes atis rasane ragaku Keplasing ati kebak ing pepenginan Ngudhari bebundhel pikir kang lumebu ing lamunan Tumenga tawang katon lintang gegojegan Sunaring rembulan peparing katresnan Sinusul mendhung sinelahing angkasa Banjur udan gerimis kilat thathit padha njerit Tembang kongkang angangkara ing pekarangan Irama lamba munggah rangkepan kepranan Kethuk kempyang ambabar beksa kasmaran Imbal swara tanggap basa kidunging kewan Bangun esuk para tani padha gumuyu Tindak sabin nggerak lembu gya hamluku Tanem winih nyenyuwun kang Maha Sih Mangsa rendheng Dewi Sri nyebar rejeki